Կարծիքների հրապարակման կանոնները

Կարծիք գրում է այն մարդը, ով ինքն է եղել ընդունելության։ Դրա համար պետք է հաշիվ՝ հաստատված էլ. փոստով. անանուն կարծիքներ «փողոցից» մենք չունենք։ Բայց ձեր անունը բժիշկը չի տեսնի. կարծիքը ստորագրվում է «Անուն Ա.» ձևով կամ ձեր ընտրած կեղծանունով։

Երեխայի հետ եք եղել ընդունելության կամ ուղեկցել եք հարազատին՝ պատմեք այդ այցի մասին ձեր անունից։

• Տարիքը՝ 16-ից բարձր։ Ավելի փոքրերի փոխարեն գրում է օրինական ներկայացուցիչը։
• Մեկ պացիենտ՝ մեկ կարծիք մեկ բժշկի մասին։ Կարծիքը փոխվե՞ց՝ գրեք մեզ info@medaro.am հասցեին. կայքում խմբագրելու կոճակ դեռ չկա, իսկ փոփոխված կարծիքը նորից կանցնի ստուգում։
• Մեկ հաշվից՝ 30 օրվա ընթացքում ոչ ավելի, քան երեք կարծիք։ Ազնիվ պացիենտին դա բավական է, կեղծիք գրողին՝ ոչ։
• Բժիշկը չի կարող գնահատել ինքն իրեն և իր գործընկերներին։ Այդպիսի կարծիքները մերժում ենք։
• Կարծիք կարելի է թողնել ցանկացած հրապարակված բժշկի մասին, այդ թվում՝ եթե քարտը հավաքված է կլինիկայի կայքից և բժիշկն այն դեռ չի հաստատել։

«Ամեն ինչ դուր եկավ»-ը ոչ մեկին չի օգնում։ Օգնում է կոնկրետությունը՝ ինչ խնդրով եք եկել, ինչպես անցավ ընդունելությունը, որքան եք սպասել, ինչ բացատրեց բժիշկը և ինչը՝ ոչ։

Ձևը կխնդրի երեք գնահատական՝ վերաբերմունք և ուշադրություն, բացատրություն և արդյունք, ընդունելության կազմակերպում։ Եվ նվազագույնը՝ 150 նիշ տեքստ, այցի ամսաթիվ և կլինիկա, որտեղ այն տեղի է ունեցել։

• Գրեք հենց այս այցի և հենց այս բժշկի մասին, ոչ թե ընդհանրապես կլինիկայի կամ ընդհանրապես բժշկության մասին։
• Ավելացրեք մանրամասներ, որոնք դժվար է հորինել՝ որքան եք հերթում սպասել, ինչ հարցրեց բժիշկը, ինչ եղավ սենյակում։
• Գովեք և քննադատեք ազատ։ Կանոններով գրված քննադատությունը հրապարակվում է նույնքան հանգիստ, որքան գովեստը. մենք մերժում ենք ձևակերպումները, ոչ թե կարծիքները։
• Եթե ընդունելությունից հետո կլինիկան ձեզ տվել է այցի կոդով քարտ՝ մուտքագրեք կոդը, և կարծիքը կստանա «հաստատված այց» նշումը։ Առանց կոդի կարծիքը հրապարակվում է նույնպես, պարզապես առանց նշման։

Կարծիքն այն մասին է, թե ինչպես են ձեզ հետ վարվել, և ոչ թե այն մասին, թե բժշկության մեջ ով է իրավացի։ Կարծիքներով պարզել՝ ախտորոշումը ճի՞շտ էր, հնարավոր չէ, իսկ նման փորձը վնասում է և ձեզ, և մյուս ընթերցողներին։

• Մի գրեք ուրիշների ախտորոշումների և ուրիշների հիվանդության պատմության մասին՝ միայն ձեր և ձեր այցի մասին։
• Մի խորհուրդ տվեք ընթերցողներին բուժում և մի քննարկեք դեղերն ու դեղաչափերը. այն, ինչ օգնեց ձեզ, ուրիշին կարող է վնասել։
• Կարելի է՝ «ինձ բուժում նշանակեցին, այն չօգնեց, ես փոխեցի բժշկին»։ Չի կարելի՝ «մի լսեք նրան, ընդունեք սա»։
• Համարո՞ւմ եք, որ ձեզ վնաս են հասցրել։ Դրա համար դիմում են Առողջապահության նախարարություն կամ դատարան, իսկ կարծիքում թույլատրելի է գրել, որ բողոք եք ներկայացրել։

Եվ ընդհանուր հիշեցում. պորտալը ուղեցույց է, ոչ թե բժիշկ։ Ո՛չ կարծիքները, ո՛չ մեր հոդվածները չեն փոխարինում բժշկի հետ անձնական խորհրդակցությանը։

Յուրաքանչյուր կարծիք կարդում է մարդ՝ մինչև հրապարակումը, առանց բացառության։ Սովորաբար դա տևում է 24-ից 72 ժամ։

Խմբագրված կարծիքը կրկին գնում է ստուգման՝ ինչպես նորը։ Սա վերաբերում է և տեքստին, և գնահատականներին։

• Հրապարակված է՝ կարծիքը հայտնվում է բժշկի կամ կլինիկայի էջում և սկսում է հաշվարկվել վարկանիշում։
• Մերժված է՝ պատճառը կգրենք հաշվի էլ. փոստին։ Գրեթե միշտ տեքստը կարելի է ուղղել. ուղարկեք նոր տարբերակը՝ պատասխանելով նամակին, քանի որ կայքում խմբագրելու կոճակ դեռ չկա։
• Մոդերացիայի փուլում՝ այսպես է նշված կարծիքը անձնական էջում, մինչև մոդերատորը այն կկարդա։ Մինչ այդ այն ոչ ոք չի տեսնում, բացի ձեզնից։

Գրեթե ոչինչ, և սա սկզբունքային է։ Բժիշկը կարծիքը մինչև հրապարակումը չի տեսնում, չի կարող այն հաստատել, թաքցնել կամ ջնջել։ Կարծիքները փողով չեն ջնջվում. «համբավի մաքրման» ծառայություն այստեղ գոյություն չունի։

• Մեկ հրապարակային պատասխան կարծիքի տակ՝ այն անցնում է նույն մոդերացիան, ինչ կարծիքները։
• Բողոք մոդերատորին, եթե բժիշկը համարում է, որ այցը չի եղել կամ կարծիքը խախտում է կանոնները։ «Վիճարկել» կոճակ բժիշկը չունի, իսկ բողոքն ինքնին ոչինչ չի փոխում. կարծիքը մնում է էջում և վարկանիշում։
• Կարծիքի մասին որոշումը կայացնում է մոդերատորը՝ այս կանոններով, ոչ թե բժիշկը։
• Ով եք դուք՝ բժիշկը չի իմանա. նա տեսնում է միայն կեղծանունը։ «Պացիենտ — բժիշկ — ամսաթիվ» կապը փակ է և տրվում է միայն օրինական պահանջով, երբեք՝ բժշկի կամ կլինիկայի խնդրանքով։

Կարծիքը մնում է ձերը նաև հրապարակվելուց հետո։

• Ձեր բոլոր կարծիքները և դրանց կարգավիճակը երևում են անձնական էջի «Իմ կարծիքները» բաժնում։
• Փոխել կամ ջնջել ձեր կարծիքը։ Դրա համար կայքում կոճակներ դեռ չկան՝ գրեք info@medaro.am հասցեին հաշվի էլ. փոստից։ Պատճառը ոչ մեկին բացատրելու պարտավոր չեք։
• Ստանալ ձեր տվյալների պատճենը և ջնջել հաշիվը՝ նույնպես info@medaro.am հասցեին գրելով։
• Հաշիվը ջնջելիս կարծիքները չեն անհետանում, այլ ապանձնավորվում են՝ տեքստը մնում է, ձեզ հետ կապը՝ ոչ։

Մոդերատորը մարդ է, իսկ մարդիկ սխալվում են։ Եթե կարծիքը մերժել են, իսկ դուք համարում եք, որ կանոնները չեն խախտվել՝ պատասխանեք մերժման նամակին և բացատրեք ինչու։ Որոշումը կվերանայվի։

• Կարծիքը մերժվել է ձևակերպման պատճառո՞վ՝ սովորաբար ավելի արագ է ուղղել տեքստը և նոր տարբերակն ուղարկել՝ պատասխանելով նամակին։
• Տեսնում եք ուրիշի կարծիք՝ վիրավորանքներով կամ կեղծ ակտիվության նշաններով՝ գրեք info@medaro.am հասցեին՝ էջի հղումով։
• Բժշկի կամ կլինիկայի էջում սխա՞լ կա՝ այդ էջի «Նկատեցի՞ք սխալ. հայտնեք մեզ» կոճակը։